مساء الخير على اجمل ناس فى الدنيا كلها
(بـــــــجـــــــد)
موضوع السهره هايتكلم عن
حكايات حدثت بالفعل من الناس والى الناس
بسم الله
بدات اليوم لتقليد بالنسبه لطالب جامعه عادى يعنى صحيت الصبح
وبعدين افطر وانزل اروح الجامعه
تقف تستنى تاكسى او ميكروباص
نشوف لو ركبت تاكسى هاتسمع ايه ؟
شوفت اللى حصل يا استاذ عالم ولاد ..... الحياه بقت نار والبنزين
والعاز و..........والناس مش عندها ضمير تصدق يا استاذ كان راكب معايا واد وبنت وكنت بحسبه خطيبها وطلع مش خطيبها ....
ونصدق يا باشا امبارح قفلوا الطريق من الساعه ...للساعه ..علشان
ماتش كوره كوره ايه بلا نيله دا كمان مش عارفين يوصولا لكاس العالم ........وشوفت شارون عمل ايه ....وهولاكو دبح الناس فى اسرائيل .....وحوراات غريبه على الصبح من واحد اتكلم فى كل حاجه . وهوه مش فاهم حاجه فى اى حاجه
تنزل من التاكسى تقول فعلا الناس تعبت ...........
ولو ركبت المكروباص
تلاقى النا قاعدين وربنا يرزقك ب اتنين ستات يتكلموا فى شوفتى الراجل جابلنا امبارح فراه قولتله لا انفلونزا الطيور الراجل عاوز يموتنى .......وشوفتى الحاجه سوسن جارتنا عملت امبارح خطوبه بنتها من غير ما قالتلنا ........وكان جاى امبارح فى برنامج البيت بيتك الوزير بتاعنا وقال ان المرتبات هاتزيد ولا بيزودوا ولا حاجه ...ويسلام بقه تلاقى واحد ماسك واحده شكلهم مخطوبين جديد
والله يا حبيبتى انا حاسس انى راكب سوبر جيت مش ميكروباص
....ويقعد بقه قول كلام والبنت بقه تصدق وتقوله والله انا كنت حاسه ان انتى هاترنلى الساعه 12.25 دقيقه مش عارفه ليه حسيت كده بس حسيت وخلاص ........وواحد تانى يتخانق مع السواق على الاجره .....وواحد وواحد ......المهم هاتنزل برضه من الميكروباص دماغك مصدعه ومش مركز خالص .
المهم هاتوصل عند الجامعه تلاقى الحرس واقف على البوابه يقولك الكارنيه تطلعله كارت ميناتل او رينجو ويقولك اتفضل يا باشا ...
وتدخل الجامعه على الصبح تعبان تدور على مكان هادى تنام فيه
تدخل فى المدرج تنام تلاقى الدكتور يشوفك نايم يقولك هات الكارنيه
وتبدا الحورات بتاعت الدكاتره ....يعمل بقه محاضره عن الاخلاق
وكنا زمان بنعمل وكنا وكنا ......المهم بعد المحاضره الطويله دى يقول ياله بره وتالى خد كارنيهك من المكتب بتاعى ....علشان تعرف انه عنده مكتب ...المهم تستنى بره المدرج وتروح للدكتور المكتب يقولك اللى فيه النصيب وتمشى ....وبكده هاتكون اتخانقت
وهتقول والله ماانا حاضر اى حاجه النهارده وتقوم تروح وفى الطريق هايحصل نفس حوار التاكسى ...........
تدخل البيت تسمع كلمتين من البيت رجعلت بدرى ليه .....ومش بتحضر ليه ......والكلام ده
وده موضوع الطريق للجامعه
موضوع: الى من فى الجامعة الطريق الى الجامعة 
الأربعاء أغسطس 20, 2008 4:44 am
